晴报：隐门丨阮浩棕曾离巢再做新人发展顺遂 遗憾再听不到嫲嫲梁舜燕讚赏
阮浩棕这次扮演张逸风一角，首次有由头到尾贯穿全剧的重要角色，他坦言收到剧本时大感压力，"我明白机会係非常难得，有个咁好嘅机会，一定要好好把握！经验话畀我知要放鬆，但难免为自己带来无形压力。
拍摄过程上，我觉得自己过分谨慎同小心，后来拍多咗几套剧集，再睇《隐门》播出就觉得自己太紧张。"《隐门》之后，阮浩棕于另一剧集《灵戏逼人》都有不错的发挥，他表示非常庆幸，"今年入行第十年，十年时间仍然有好多观众唔认识我，成日都话呢个新人几好，我做新人都做咗十年，但明白嘅，始终离开过TVB一段时间，过去值得留意嘅作品唔多，观众未认识我係正常不过。"
阮浩棕出身于演艺世家，嫲嫲是已故资深演员梁舜燕，爸爸是著名导演阮惠源，二叔阮惠熊及姑妈阮曼莉都先后做过演员。阮浩棕笑言未知是否遗传的关係，小时候已经有表演慾，他说："妈妈早就预料我会行呢条路，所以同我约法三章，无论我做咩都好，读完大学再谂。直至我决定入行，我第一个係话畀嫲嫲知，我仲记得自己讲过一句，'希望将来不会被人嗌我係你个孙，而係你係我嫲嫲！'当时真係几心高气傲！"
直至家人为梁舜燕举办入行60周年晚宴，宴请不少圈中具份量的前辈出席，阮浩棕透露筹备的过程，慢慢了解嫲嫲的过去，才反省自己不知天高地厚，"我实在好大胆，能够做到佢嘅一半？唔係，就算係做到佢三分之一已经好厉害！"他感激家人带来丰厚资源。
初入行时，怕人家知道他是梁舜燕的孙儿，又怕自己做得不够好，又不想靠关係得到机会，想起离世的嫲嫲，阮浩棕不禁哽咽眼湿湿，"啱啱入行入训练班，心入面最希望係三代同堂去合作做一件事，虽然事与愿违最终做唔到，《EU超时任务》感觉係圆咗半个心愿，可以同嫲嫲合作，绝对係心入面最美好嘅一个回忆！其实嫲嫲对我影响最大，几个孙入面佢最锡我，回想起嚟真係好多遗憾。由我入行开始，每次演出，嫲嫲都会讚，周围同人讲我係佢亲孙，好叻仔演得好好，但我冇接受过佢嘅讚赏，因为我觉得我做咩佢都觉得好㗎啦！好遗憾到而家我终于有少少成绩，观众见到我，但我再听唔到佢嘅讚美。"
2017年阮浩棕离开TVB北上发展，他形容从来没想过要有巨大突破或者赚大钱，一切都是学习过程，由于爸爸早年就在内地工作，两父子感情不算深，直至过去的几年在内地得到爸爸的照顾，修补双方的关係，"当初我入行，爸爸一早就话咗唔会带我上去拍戏，因为我咩都唔识，上去注定失败，所以入TVB由低做起。起初演戏我都唔太听佢意见，但我忘记其实佢係一个经验丰富嘅幕后大前辈，北上几年见识到佢嘅工作态度，认识到唔同嘅人，再新思考番爸爸对我讲过嘅说话，心谂如果早啲听得明佢嘅说话就好啦！"
他近年重返TVB，在《我家无难事》、《隐形战队》和《隐门》等演出都有不错的成绩，一向严厉的爸爸见到他的表现，都称讚儿子有进步。
