無綫節目巡禮︱老婆張寶兒見肚 袁偉豪暗示BB性別藝人袁偉豪（Ben）和張寶兒今日（19日）夫妻檔現身無綫節目巡禮，一身藍裙打扮的寶兒明顯已見肚，站在其身旁的Ben看似有點緊張，對太太更見呵護有加。談到胎兒性別，寶兒表示：「踏入第4個月，已經知道，但想遲啲用特別嘅儀式先公布。」Ben則接口：「其實仔女冇所謂，不過我比較鍾意囡囡囉，感恩進步人生另一階段。（開始睇BB嘢未？）睇緊，平時shopping我係睇玩具，依家變咗睇BB產品。」談到幫BB改名，二人表示中文名會問家中長輩及相士意見，英文名則希望跟他們一樣，以「B」字起首。而Ben月底將偕同張振朗出發前往歐洲，14日內駕電單車4個國家穿州過省，主持綜藝節目《歐洲鐵騎遊》，他坦言都擔心太太獨自留港：「不過佢懷孕已進入第2階段，身體情況都ok的。」寶兒即打趣自己亦擔心老公：「最好搵人全天候睇實佢，佢每日騎着電單車咁耐都非常辛苦。」寶兒見肚喇，袁偉豪梗係緊張啦！仔定女呢？袁伟豪张宝儿
Monday 19 June 2023
無綫節目巡禮老婆張寶兒見肚袁偉豪暗示BB性別 #女神
