法言人丨黃嘉樂唔續約TVB老友勁擔心 婚姻出現「小三」強調最愛老婆 #女神

法言人丨黃嘉樂唔續約TVB老友勁擔心 婚姻出現「小三」強調最愛老婆

法言人丨黃嘉樂唔續約TVB老友勁擔心 婚姻出現「小三」強調最愛老婆@黄嘉乐Kalok 在《法言人》中飾演的Will顛覆以往木納的角色，輕佻幽默的演出為觀眾帶來新鮮感。嘉樂坦言從小到大個性內歛，直至遇上太太江惠賢才變得開朗風趣，新婚不久的他竟收到太太投訴婚姻出現「小三」？原來嘉樂為操弗最佳狀態往內地發展，密密同好友許家傑健身，搞到太太醋意大發，他笑言：「小三許家傑你走啦，我有老婆㗎喇！」Will這位富二代兼「顏值擔當」律師終於要開始打官司，原來平時口花花又幽默的他都有正經和專業的一面。今次嘉樂首次挑戰男一，絕對勝任之餘，更獲得不少觀眾的掌聲認同，他表示：「今次《法言人》中飾演Will，跟我本身反差好大，本身我唔鍾意講嘢，比較木獨。拍攝過程中當然拍得好開心，我係被角色感染到，之前仲被導演投訴我喺片場多嘢講，咁多位演員都話難以置信！」正當以為他成功坐穩男主角地位，可惜偏偏他決定跟TVB「分手」。「拍攝期間仲未開始諗合約問題，《法言人》拍完之後，我做咗一個重要嘅人生決定，就係娶咗我太太！經歷開心事之後，突然有種想法，係咪應該嘗試一下其他方向呢？咁啱見到合約舊年約滿，咁經過充份了解之後就完成合約離開。」嘉樂在工作上仍然有很多目標和想法，例如想拍古裝劇，偏偏近年TVB古裝劇的製作比較少，所以他計劃到內地發展，有些劇本和工作已在洽談當中。「其實你同我都估唔到，我十年前拍嘅內地古裝劇，而家喺內地小城市仲播緊，我將部分片段剪接畀監製睇，佢哋重新留意我。我都有諗過做內地劇男主角呀，我認為自己應付到，所以就勇敢嘗試一下。」其實早於十年前，嘉樂都有去中國大陸發展，不過突然收到爸爸患癌的消息，隨即放下一切回港照顧家人。「爸爸患癌嘅時候，我人生改變咗唔少，當年喺內地開個頭開得不錯，我係長子唔可以唔理屋企，所以決定返香港。我好感恩有好多人愛錫我，監製梁材遠二話不說就幫我引薦，同TVB簽經理人合約，畀我好好嘅發展。我記得爸爸臨終前好確實同我講，要我好好堅持繼續演戲，呢句說話，我一定會為咗佢努力去實踐。每個人際遇唔同，有人行得快，有人行得慢，最重要係冇行錯路，我對於而家得到嘅一切好開心滿足。」他坦言每個人人生都需要經歷，縱使在香港多逗留十年時間，他視為演技上的磨練，希望將來再能夠有所提升，能夠成為獨當一面的男演員。 這次離巢，嘉樂自認「衰仔」，事關《鐵馬尋橋》的眾兄弟姊妹事前都不知情，他說：「我今次的確做得唔好，有少少隱瞞朋友，冇同大家商量，所以佢哋聽到我唔續約，反應特別緊張，尤其係唐詩詠同林子善，馬國明就一如平日作風比較淡然，詩詠叫我考慮清楚，而林子善真係好緊張，不斷問我點解要走…其實我唔係刻意隱瞞，係怕大家擔心我。」身邊的太太全力支持他事業上的種種決定，成為她背後的女人，助他打點工作安排。新婚不足一年，黃嘉樂竟然收到太太的投訴，IG不時搞笑指婚姻出現「第三者」，原來所謂「第三者」正是好友許家傑。嘉樂笑言：「我和許家傑有種相逢恨晚嘅感覺，二揀一我當然揀我太太啦！你算吧啦，小三許家傑！其實家傑為我帶來很多積極心態，係兄弟相挺互相幫忙嘅感覺。我同佢基本上唔使返工或者早收工就會約健身，久而久之太太有微言，覺得我成日約個男人都唔約自己老婆，真實狀況係…可能我太太都想見佢呢？」撰文：楊安莉攝影：陳健珊、何家賢服裝﹕Regent place Unique場地﹕PHENOMENON WINE • DINE法言人黄嘉乐