陳山聰恨追個「小龍女」 視帝加身利是加碼 #女神

陳山聰恨追個「小龍女」　視帝加身利是加碼

陳山聰恨追個「小龍女」　視帝加身利是加碼出爐視帝陳山聰年三十晚現身商場與粉絲倒數送虎迎兔，現場與粉絲大玩遊戲，及大展歌喉，獻唱30年前做歌手出道的歌《ABCD》，他表示有段時間想避開這首歌，後來想通了，現在每逢登台都愛唱此歌，並透露2023年計劃推出新歌，而本身育有1子Jaco的他，表示恨生女，目標希望追一個小龍女。山聰受訪時稱，入行以來第一次做年三十晚倒數嘉賓，稱最開心是駕車經過東區走廊時，看到大會刊登他肖像的巨型廣告，感覺震撼。去年是大豐收一年，希望兔年繼續順順利利，問到追女計劃：「兔女趕唔切，最快都小龍女，不過未同老婆商量，唔理啦！（霸王硬上弓？）係啦！個仔都差唔多3歲。」陳山聰話追兔女趕唔切，最快都小龍女！提到曾經不想再唱《ABCD》，他認有段時間覺得好老土：「嗰時電視冇咩起色，唔想畀人提起，不過唔知係咪人大咗，依家對第一首歌引以為傲，入行第一件好寶貴嘅事，好多回憶，好想藉呢首歌畀粉絲重新認識我。」他有意今年推出新歌，作為紀念，歌名未想好，笑言可能用兒子名《JACO》，當作送給兒子的禮物。原本他想帶同兒子一起來倒數，不過擔心太夜，兒子會睡着：「我唱歌佢瞓着唔係幾好，好樣衰。」榮升視帝後，今年會否預備大派利是？他笑言不重要，但數量會加碼，因為新年期間要開工，又要到澳門工作，故要準備更多利是。近日工作增多，表示感恩，自比似出爐蛋撻，有新鮮感，人人想吃。正在為新劇《奪命提示》開工的他，與劉佩玥演一對，並首次與張振朗合作，他說與振朗見面好多話題，甚至會研究除衫戲點拍，振朗早前開工遭道具燈擊中撼爆眉骨中頭獎，山聰稱當時不在場，不過他說：「我第一時間同佢講，我頂住先。（振朗返劇組未？）未，不過佢康復得好快，後生嘛！（佢留疤？）我都有疤，有疤先係真男人。」他稱劇組好安全，意外無人想，希望振朗趕快搣甩「地獄黑仔王」之名。睇嚟都有計劃咁喎。榮升視帝後，利是數量都要加碼。陈山聪