上位小花淪大茄 林凱恩新劇慘變師奶連名都冇 #女神

上位小花淪大茄　林凱恩新劇慘變師奶連名都冇

上位小花淪大茄　林凱恩新劇慘變師奶連名都冇無綫小花林凱恩憑處境劇《愛．回家之開心速遞》Bonnie一角，與「金城安」周嘉洛組成CP而成功入屋，2019年更獲提名「最佳女配角」及「飛躍進步女藝員」，惟早前有傳佢唔續約，被發放到資訊節目《流行都市》，雖然佢表示仍有合約在身，一路都仲有拍劇，不過其角色戲份卻愈來愈少，繼早前於《輕．功》僅客串一場後，近日於新劇《黃金萬両》更淪為跑龍套，令人驚訝。林凱恩與周嘉洛CP檔大受歡迎。帶挈佢曾備受力捧。點知新劇佢慘變大茄。佢於第5集飾演「安嫂」一角，不但出場只得3分半鐘及10句對白，30歲嘅佢仲要有個6、7歲大嘅兒子，兼被大10年嘅黃子恆稱呼做「師奶」，而且片尾演員名單中，其老公和兒子都有角色名字，唯獨佢嘅角色被寫為「安嫂」，連正式名字都冇。不過佢似乎未有介意，於社交網大晒拍攝當日嘅花絮照，並留言：「跟我家小寶一起把幸運帶給你新年希望大家也開開心心，黃金萬両」。戲中佢有個6、7歲大嘅仔。仲要被黃子恆叫「師奶」。不過佢似乎未有介意，網晒拍攝花絮照。樂在其中。其實佢之前喺《輕．功》已經得一場戲。林凯恩