TVB《萬千星輝賀台慶》圓滿結束，由「六合彩之女」李芷睛獨得38萬元大獎！不過Patrick Sir（林溥來）卻未能於限時內上台領獎，而失掉2萬5千元大利是！
Patrick Sir之所以錯失良機，是因為「太貼心」，為《東張西望》拍檔朱凱婷（Heidi）買水飲而錯過時間。Patrick Sir太太關宛珊星期六於IG限時動態，上載抽中Patrick Sir領獎一刻片段，她說：「話說我有預感係抽中佢，拎電話出嚟影，真係佢喎，勁興奮！點知佢冇出現。」
Patrick Sir接受傳媒訪問時表示，當晚朱凱婷表示口渴，他幫手去買水，還說，怎料經理人致電表示抽中自己，但為時已晚。Patrick Sir亦好維護Heidi：「真係唔關Heidi事嘅，係我主動提出幫佢，因為佢着住高踭鞋，唔想佢行咁遠。佢係非常開心，亦都好內疚。」
Patrick又笑說：「台前幕後都戥我唔抵，連燒味師傅都斬大碟啲畀我。雖然失去2萬5千蚊，但得到好多關懷同愛錫。」
