白云做"爱的咸猪手" 为代莲曦丹美遮胸
前落选港姐代莲曦丹美（Daisy)今日（23日）在尖沙咀举行首饰发布会，邀请艺人白云、歌手谢高晋、蔡颂思和邓梓峰女儿邓琼芝等出席，嘉宾的服装配饰均由Daisy打造，她拣了一袭低胸雪纺裙给白云，令白云谷出巨胸，但Daisy身上长裙则太松而露bra，白云为免好友走光，出手为Daisy遮胸，摆到明做"咸猪手"。
白云透露与Daisy相识多年，对方是其服装顾问，她说："我平时唔系咁fashion，佢喺度我就fashion啲，不过身形唔同，我可以着佢啲衫，佢着唔到我啲衫。"透露2人有意合作做生意，希望做中国风时装和首饰，对Daisy眼光甚有信心，预计明年筹备，最快后年落实，问会否担心同闺蜜做生意会有拗撬？白云说："以前我同朋友搞过朱古力生意，结果3个朋友，唔见咗1个，好正常，10个朋友10个都话同朋友做生意会有拗撬，上次唔系净系因为钱银反目，乜都有啲，呢啲系缘分，缘分走咗，祝你下次好运喇！"
问到可能要搵多几个朋友一起夹份，以免与Daisy伤感情？白云相信不会与她因为钱银反目："朋友之间唔应该为钱，钱解决到就唔系问题，我好少同人有钱银问题，可能我比较感性。"
Daisy赞白云勤力、上进，又性感似仙女，对于白云说2人不能交换衫着？她说："我身材扁，佢有曲线，佢有肉哋，系好嘢嚟，我同佢系互相羡慕大家身材。"现场她即时将身上白色披肩给白云披上，并说："我嘅系佢，佢嘅系佢。"白云即讲笑："钱都系。"Daisy表示未曾与人合作做生意，合作原则首要条件不能影响感情："朋友行先，真心对待，钱银摆最后。"
