台庆好带挈︱34C李芷晴升呢咪神 港姐出身你又知唔知？
每年TVB《万千星辉贺台庆》嘅台庆终极奖金得主都会成为焦点，次次都会带挈佢哋人气急升，就好似"明日之星"一样忽然被睇好，就好似2020年得主陈晓华、2019年得主邱晴、2018年得主黄庭锋、2017年得主余思霆等，全部都由籍籍无名变入屋艺人，今年嘅得主李芷晴亦同样秒变女神，介绍番，其实分分钟你每一晚都系睇住佢嘅剧集！
李芷晴今次成功入屋，皆因佢拎奖时萌爆天然呆，身边嘅麦美恩即刻肉紧揽实佢，呢个"攞奖夹"成功喺全港人面前夹出成尺长嘅事业线，仲要佢雀跃狂跳时即刻上演"七级半地震"，宅男对眼就跟住弹，真系睇到大家面红耳赤。
唔好以为佢系禾杆冚珍珠，其实佢喺2018年参选港姐，12强止步，之后佢就正式加入无綫，当中佢就同过艺人黄晓明一齐主持J2台《六合彩》搞珠环节，被封"六合彩女神"，近年又加入《爱．回家之开心速递》，饰演香港岛大学学生"Fanny"，变相大家其实晚晚都有机会睇到佢嘅演出。够博又肯做嘅佢，又先后参与剧集《踩过界II》、《逆天奇案》、《七公主》、《星空下的仁医》、《换命真相》等，套套都系人气剧，唔知你又认唔认得佢呢？
