仔仔一堂︱TVB播开埠首个男男配对骚 监制王贤志︰预咗有人闹！
香港史上首个男男配对真人骚《仔仔一堂》（Boyscation）将于11月头在无线（TVB）J2播出。日前，担任监制兼节目主持的王贤志（Vinci）在IG分享首日开工的情况，一边举起香槟酒杯，一边叫观众拭目以待："本人电视生涯最重要的一章，香港电视史上最破格之尝试。"据了解，节目有10位男士参与拍摄，年龄介乎2字头至3字头，当中更有IG粉丝逾十万的蓝源伟（Juzco）、型男主厨杨平（Kenny）。
王贤志接受访问时便指，《仔仔一堂》并非纯粹的男男配对骚："节目用多个角度去探讨新一代嘅Gay，点样面对社会，会从佢哋嘅生活、态度出发。佢唔係一个比赛嚟，所以唔会Foul人。"他坦言想透过节目带出LGBT社群的正面讯息："想后生一代多个渠道表达自己，亦想多啲人了解呢个社群，因为呢条路真係唔易行。可能你会话'你都好成功吖'，但係我已经唔后生，我都係一步一步咁走过嚟，既然我有咁嘅机会、经验、时间同资源，都想出力帮助个社群。"
谈到香港不少人仍未接受LGBT，王贤志说："我预咗会有人闹咗先，亦都唔介意，最紧要係有人留意到件事，因为呢个係一个发生紧嘅事实，即使係好Open或者仲收埋衣柜，都需要有个地方发声等其他人听到佢哋，从此一步步咁消除标籤、歧视。ViuTV嘅《大叔的爱》的确令人好多人接受LGBT，但係始终佢哋都係童话化嘅剧集，所以都想呈现番真实啲嘅情况畀大家睇。"
问参加者是否经过精挑细选？王贤志直指拣参与者的过程难关重重："参加者都好多考虑，係咪准备好出柜，係咪想喺TVB呢个平台出现。（个个都係大隻仔？）部份啦，佢哋唔够好够好睇，观众都唔想睇啦，佢哋唔同背景、各有优点。（见到有位係名厨！）仲有位大学讲师！（点解TVB肯拍呢个节目？）咁就要问番C君喇！"
1. Kevin是一名来自台湾的游泳教练。
2. Nelbon是一名港泰混血儿。
3. 蓝源玮是一名同志网红。IG有逾10万粉丝。
4. 梁玉麟曾代表香港出战选美大骚"Man Of The World 2019"。
5. 杨平是一名厨师。经营的私房菜有不少名人红星帮衬。
