锺柔美Bra Top晒舞功 同冼靖峰合唱保持距离
著名音乐人伍仲衡一连两场《伍仲衡再搞花臣音乐会》昨晚（16日）于九展举行头场演出，获周慧敏、黎瑞恩、罗天宇、何浩文、黄婉恩等人到场支持。今次是四面台设计，一开始伍仲衡弹琴出场，全场已High爆企起身，之后廿多组嘉宾轮流出场表演，包括王菀之、久未露面的林志美、石咏莉、黄淑蔓、布志纶等人。而罗敏庄、阮兆祥、海俊杰压轴出场，炒热全场气氛，最后音乐会更超时唱到今日（17日）凌晨12点多才完骚。
其中《声梦传奇》学员锺柔美（Yumi）及冼靖峰（Archie）亦有参与演出，身穿白西装的Archie献唱歌神张学友的《李香兰》，之后身穿Bra Top配黑西装的Yumi就出场，两人以"黑白配"合唱情歌《其实你心里有没有我》，但二人全程保持距离，只间中对望，似乎欠缺交流，之后Yumi又大展舞功跳唱《疯了》。
Archie受访时表示近期忙于拍剧《青春本我》及筹备新歌，有点辛苦吃力，给今次表现70分至80分："其实《李香兰》呢首歌好有意义，因为当初妈咪叫我要练唱呢首歌，唱到佢话我好先可以做歌手。"讲到与Yumi合唱时离行离列，完全不能呈现到情歌，他说："我哋有对望嘅。（唔拖手？）我怕丑嘛！（惊绯闻女友Windy呷醋？）点会呢，大家朋友啫，我同Yumi都有Design过舞台效果。"
唔敢请教林子祥
讲到有传林子祥和顾嘉辉将客串演出《青春》，问他可知此事？他说："剧组好神秘，连我哋都唔讲，我哋都系啱啱先知听日拍啲乜嘢，有收到剧本，但只得角色名，但冇演员名，所以我哋都系见步行步。（有佢哋开心？）开心，因为同前辈合作可以学到好多嘢。（你会叫林子祥教你唱歌？）唔敢，我惊行埋去都会畀人拦住，我自己拍剧都怯，因为唔系拍开剧，惊NG累街坊。（咁你多唔多NG？）我唔太多对白，所以冇累街坊。"
