靈戲逼人｜阮嘉敏家中撞鬼大病一場：有把女人聲喺我耳邊講嘢阮嘉敏（Mandy)今日（27/6）現身觀塘出席無綫新劇《靈戲逼人》宣傳造勢活動。Mandy透露今套劇集是她入行7年的首部有份主演的劇集，在劇中飾演魯振順之女兒閻若琳，她表示：「呢個角色嘅性格同我現實嘅性格反差好大，戲裡面我成日俾爸爸魯振順鬧，性格好內向又冇自信心，加上我同佢相依為命，變咗我係唔敢反駁佢，佢鬧就由得佢鬧。而呢套劇最大賣點係講一段淒美動人的人鬼戀故事，劇本寫得非常之好，相信觀眾一定鍾意。」阮嘉敏今日出席無綫新劇《靈戲逼人》宣傳活動。（葉志明攝）被問到現實中有否遇過靈異事件？Mandy表示：「我之前住嘅嗰間屋，每晚瞓到半夜，我都會聽到個客廳會有物件跌落地下嘅撞擊聲，初頭我係冇乜點理，但日子耐咗，發覺好唔對路，於是半夜起身行出去望下，發現係冇嘢係地上，我就傻更更咁問有冇人呀？突然有把女人聲喺我耳邊講嘢，然後身後有物件跌落地，嚇到我即刻跑返入房，成晚都唔敢出去。到第二日我就發燒，病咗成個星期，無耐我就搬離咗嗰個地方，唔敢再喺嗰度住。」阮嘉敏遭遇被鬼壓感到心寒。（葉志明攝）#阮嘉敏#
Tuesday 27 June 2023
靈戲逼人阮嘉敏家中撞鬼大病一場有把女人聲喺我耳邊講嘢 #女神
