陳慧琳近十年愛上買包包 爆老公單單打打放冷語話我俾人呃 #女神

陳慧琳近十年愛上買包包 爆老公單單打打放冷語：話我俾人呃

陳慧琳近十年愛上買包包 爆老公單單打打放冷語：話我俾人呃陳慧琳（Kelly)今晚（15/6）現身金鐘出席展覽揭幕。提到為展覽展出13個私人珍藏手袋，每個都盛車著她在生活和事業上彌足珍貴的回憶和經歷。Kelly表示：「其實我好感觸，因為每一個袋都有唔同嘅人生嘅階段，當我睇番會有好多人生點滴都呈現出來。（係咪好鍾意買包包？）都鍾意㗎，尤其呢十幾年特別鍾意。（有冇計過擁有過幾多個手袋？）咁又冇喎。（有過百個手袋？）我真係唔知呀，冇啩！如果有過百個手袋就真係唔掂，好似敗家女咁喎。咁唔得，應該冇。」陳慧琳今晚出席展覽揭幕。（葉志明攝）被問到老公有否反對買名牌手袋？Kelly笑言：「咁又冇喎，始終買袋啲錢係我自己，我買乜嘢佢唔會理我。（佢冇話你嘥錢？）佢成日話我俾人呃囉，每當我買貴少少嘅時候，佢就會話我俾人呃咗，跟住佢就會長篇大論話呢個袋成本係幾多，然後就話我俾人呃。（之後有否收斂唔買咁多手袋？）咁又冇，但嗰刻係我會諗一諗我自己係咪真係俾人呃咗咁囉。」陳慧琳今晚出席展覽揭幕。（葉志明攝）陈慧琳