久未出席公開活動的張家輝，現身《第四十屆香港電影金像獎》入圍名單揭曉記者會。面對疫情，他表現正面：「都知道大家精神壓抑得好犀利，但記得話畀自己聽，明天會更好，要將平日遇到嘅開心嘢無限擴大。」他指這兩年多了時間陪伴家人，與老婆關詠荷拍拖行山、散步，未有因為見多了而「困獸鬥」：「過咗呢個階段喇。」
張家輝原本計劃5月開拍自導自演新戲，但已有心理準備要延期，相信年中前也未必開到鏡。至於睇好哪位男、女主角奪獎，他笑言：「男就個個都做得咁好，唯一遺憾嘅係我冇入圍，所以要繼續努力。」女主角方面他就指有些戲未睇，不方便評論。
