由主持变演员 麦美恩拍虐心喊戏靠宣萱教路
艺人麦美恩（Mayanne）在TVB新剧《爱上我的衰神》饰演黑面衰神"包包"包秀玉，扮演"老屎忽"的她要经常摆出阿姐款，笑言难度在于要冇表情："我平时个人好大反应，但今次就将表情、反应尽量减到最少，板起块面、冇表情都Feel到气势。"
她又笑言与剧中的欢喜冤家马贯东大反差："佢平时Cool啲，但剧要表情丰富、浮夸，同我相反。"并大爆剧中要经常言语上侮辱对方："我要逼佢爆、情绪肉紧，佢唔着我就要再逼佢，一路讲一路笃住佢嘅心口，男演员畀女演员咁样侮辱，自尊心都会下降。"
剧中演员都有不少喊戏，故她坦言今次是"考牌之作"，她难忘有幕虐心喊戏："唔只喊，系嗰种虐心，想喊但喊唔出，又要感动到观众，嗰种欲哭无泪嘅感觉系难，第一take攞真情绪出嚟，但好攰喊唔出，到第二take时，谂起之前宣萱教我，真系投入咗角色嘅话，感受角色心路历程，点解佢嗰吓会有呢个感觉，所以嗰阵代入角色，对白同个心连成一线，导演就收货。"
由主持转型演员的Mayanne剧接剧，去年播出了3套剧，之前更入围"最佳女配角"最后五强，令她对成功转型的感觉更肯定、实在："拍剧要完全摆低主持嘅嘢，有时要用真情绪，但有时又要摆低自己情绪，时真时假情绪好飘忽，有时都难抽离，但好在自己一个人住，独处嘅时间就可以搵番自己。"她又坦言奖项是其次，最想挑战多些角色，可以有代表作。
