郑欣宜爬两层高拍封面喊惊 亲到唱片店攞头彩
出炉"劲爆女歌手"郑欣宜（Joyce），相隔五年，28日推出全新专辑《JOYCE TO THE WORLD》，早前她拍摄唱片封面和相集的照片时，爬上"两层"高的道具屋顶上步步惊心，吓到尖叫，但看到相片非常漂亮时又开心得大笑。人靓衫靓景靓，拍摄顺利让Joyce非常开心，感到被公司宠爱，一时感触眼湿湿！
Joyce说："眨吓眼5年无出碟，呢张唱片收录晒我加入寰亚音乐大家庭后嘅作品，好期待同大家分享，好想话畀锺意我嘅Fans知道，我继续有做我好锺意嘅嘢，我冇放弃，而且有好支持和好懂得欣赏我嘅公司和团队，佢哋好有耐性咁发掘我唔同嘅可能性，有被宠爱嘅感觉。今日影咗好靓相，每各个场景设计都好靓，所有嘢都好完美，好感恩。"
Joyce坦言这五年最大转变是变得大胆，说："呢5年我最大改变係大胆地尝试，好开心遇到好多专业嘅合作单位，除咗音乐创作，仲有摄影师和设计师。以前我係紧张大师，乜都问，每一步每个环节我都要兼顾，好多嘢担心。但呢间公司令我好放心，我今朝开开心心食个早餐，然后以最靓和最佳状态到场便可。我好感恩，好多谢大家。（哽咽）点解咁大感触？点解会咁嘅？我要投诉呀，影得我太靓，点拣？唔使执都咁有腰，离晒大谱！"大情大性的Joyce又喊又笑。
Joyce表示唱片封面用上个人喜爱的风格，很有专属感，特别开心。其中最令Joyce难忘是两层高的"大厦屋顶"设计，她说："美术组起咗一幢楼，两层楼咁高，除咗我从窗口伸个人出嚟摆甫士，仲要我要爬上屋顶影相，哗，好惊呀！虽然好安全，但我爬上去嘅时候觉得有啲摇，原来我有少少畏高，工作人员话已经爬上试咗好多次，确保安全，但佢好瘦，我唔係嘛，我仲要喺屋顶趴、瞓、侧身躺等摆甫士，总之步步惊心。"
其实这间道具屋只有2米高，畏高的她爬梯时感到紧张，尖叫嗌"好惊"，但当她看见相片效果漂亮时即大笑嗌"好靓"，非常搞笑。另外，欣翅昨日出碟，心情兴奋又感动，第一时间到旺角唱片店亲买唱片"攞头彩"并充当店员，Fans见到她都好惊喜。
