诸葛紫岐蛋奶敏感戒甜品 炎明熹饮鸡精补身
名媛诸葛紫岐（Marie）、"声梦人气王"炎明熹（Gigi）及名人胡曦文等昨晚（11日）出席饮食颁奖礼。问到入厨经济，Marie笑称："我攞过地狱厨神㗎，哈哈！我好锺意食嘢，8岁大仔可能跟得我哋食嘢多，都开始有要求，识讲啲味道争少少，哈哈！"她指早前被诊断蛋奶敏感，只会间中食相关食物："食咗会面肿，但自己锺意食甜品，所以忍得好辛苦。"原本预计会飞美国过圣诞，但因病毒一再变种，担心小朋友安全所以决定留港。
工作不断的Gigi被问到会否担心身体负担太重，她説："暂时都冇问题嘅，若果顶唔顺都会出声，不过如果接咗嘅工作就冇办法。"她指现时每天也至少睡6小时："入行前大概瞓9个钟就自然醒，依家谂番觉得自然醒好幸福。"她指平日会喝鸡精，姑妈亦会煲汤水给她补身，又称很挂念身在内地家人，望早日通关可团聚。
