5年冇出碟︱郑欣宜爬两米道具屋嗌惊
出炉"劲爆女歌手"郑欣宜（Joyce）相隔5年，昨日（28日）推出全新专辑《JOYCE TO THE WORLD》后，第一时间到旺角唱片店亲买唱片"攞头彩"兼充当店员，Fans见到她出现十分好惊喜。
她觉得这5年间最大转变的是肯大胆尝试："除咗音乐创作，仲有摄影师和设计师。以前我系紧张大师，乜都问，每一步每个环节我都要兼顾，好多嘢担心。但依家乜都好安心，开开心心食个早餐，然后以最靓和最佳状态到场便得。我好感恩，好多谢大家。（哽咽）点解咁大感触？点解会咁嘅？我要投诉呀，影得我太靓，点拣？唔使执都咁有腰，离晒大谱！"大情大性的她又喊又笑。
唱片封面设计选用Joyce最喜爱的风格和颜色，到达拍摄现场看见各个场景，让她好兴奋，神还原她的理想家。Joyce说："每个场景设计都好有心思，用咗好多色彩缤纷嘅布置，尤其是屋企门口，用咗我好锺意嘅粉红色，我好锺意色彩缤纷设计。虽然其中一个场景我穿上黑色衫拍照，但加入后期设计就变成Pop Art风格，亦系我好锺意嘅风格，我屋企都会挂Pop Art。"
在多个场景设计中，最令她难忘是两层高的"大厦屋顶"设计，她说："美术组起咗一幢楼，两层楼咁高，除咗我从窗口伸个人出嚟摆甫士，仲要我要爬上屋顶影相，哗，好惊呀！虽然好安全，但我爬上去嘅时候觉得有啲摇，原来我有少少畏高，工作人员话已经爬上试咗好多次，确保安全，但佢好瘦，我唔系嘛，我仲要喺屋顶趴、瞓、侧身躺等摆甫士，总之步步惊心。"其实这间道具屋只有2米高，畏高的她爬梯时感到紧张，尖叫嗌"好惊"，但当她看见相片效果漂亮时即大笑嗌"好靓"，非常搞笑。
她又说："眨吓眼5年无出碟，好期待同大家分享，好想话畀锺意我嘅Fans知道，我继续有做我好锺意嘅嘢，我冇放弃，而且有好支持和好懂得欣赏我嘅公司和团队，佢哋好有耐性咁发掘我唔同嘅可能性。"
