刘威煌首间饮品联营店开张 群星力撑！
由歌手刘威煌代理的台式饮品今年踏入第4个年头，今日（14日）为其首间饮品联营店举行开张剪彩仪式，圈中好友海俊杰、伍仲衡出席到贺，而黎瑞恩、何婉盈、区永权与太太等送上花篮恭贺。
本身已拥有3间台式饮品店的刘威煌表示与圈外朋友合资首次开联营店，共投资过百万港元，希望其台式饮品店下年进驻旺角及大埔开分店："本来想喺将军澳开店，但搵咗2年，等到依家依然插针都插唔入。"
刘威煌除了饮食版图愈搞愈大之外，最近更成立制作公司，应美国男装服装品牌邀请担任品牌形象及宣传推广，海俊杰及伍仲衡特登穿上由他赞助的服装出席，威煌感动谓："唔使多讲㗎喇，我会永久赞助海俊杰及伍Sir（伍仲衡）永久任食、任饮、仲任穿服装。"
剪彩仪式原本中午12时正举行，但因伍仲衡迟大到，结果迟了半个钟才举行，他歉疚说："头先我冇啦啦去咗欣澳，明明揸车导航set咗上水，但导航就带咗我去青马大桥，仲入埋欣澳，心急到我不得了，我一早出咗门口㗎啦，要两位老板等埋才剪彩，极之唔好意思！"问到伍仲衡是否羡慕刘威煌愈搞愈多生意？他直言："我好戥佢开心，唔会羡慕，因为我只喜欢做音乐，音乐就系我全部及唯一的生意，只想专心做好音乐，其他生意唔会谂。"
而海俊杰与太太晨早到场恭贺，他笑言："为咗（刘威煌）队长晨早起身都值得，其实我哋认识系因为细佬海俊文都系巨声帮，当年队长成日去我细佬屋企玩，之后就同队长做咗好朋友，佢嘅嘢一定撑！"而海俊杰的太太早前开办了香薰蜡烛工作室，他开心透露生意不错，太太逢星期五、六、日都要教班，虽然与太太各有各忙，但两人一定会争取时间拍拖。
