据香港东网报道：女星… #香港 #娱乐

据香港东网报道：女星…

据香港东网报道：女星#杨幂#传出同年轻16年嘅小鲜肉#周柯宇#晚晚砌出"机"情，近日佢嘅工作室就甫咗佢近况同美图，绯闻事就绝口不提，只系好似啲长辈图咁嘘寒问暖："秋去冬临十一月行程图送达，快把衣柜里厚厚的外套穿上，准备温暖过冬。"
而相中着咗卫衣嘅佢，化咗个精致靓妆，嗰只深红色唇膏显得佢皮肤更白滑，加埋一对水汪汪大眼睛，全身散发女人美。不过佢揽住取暖嗰个，唔系人而系猫，而呢只萌爆肥猫个样的确又乖又得意，所以佢都忍唔住要同佢亲热吓，一时摸住猫咪条肥颈，一时又捽吓猫嘅耳仔，有美女免费按摩，只猫爽到任链任搓，完全唔舍得走。
以往事业心同事业线一样强劲嘅佢，睇番佢呢个月嘅工作行程，竟然只有一个直播活动咋，工作人员仲留言话："本月暂无可公开的确定行程，待后续确定后，再遵循各合作方意见择期公开。"咦！咁杨幂咪有更多时间同绯闻男友周柯宇唔止晚晚砌机，日头都可以砌埋喎。