据香港东网报道：艺人#罗子溢#今日（16日）出席#TVB# 台庆剧《#星空下的仁医#》结局篇宣传活动。谈到戏内角色滥药违反操守，今晚剧情更交代他有遭除牌的可能，@羅仲謙是羅子溢 笑言："呢个角色系我从来冇演过嘅，系次好大嘅挑战，但可以话畀大家听happy ending。（同现实生活中嘅你一样，事业爱情两得意？）我觉得现实生活比剧情更加美满，简直系父慈女孝！"
谈到爱女小珍珠已经岁半大，子溢苦笑："佢好百厌呀，表情古灵精怪又唔肯食嘢，啲顽皮嘢学晒我。凑住佢真系好攰，我宁愿返工好啲，辛苦太太。（报名返学未？）搞咗，报咗两间，两间都OK，仲要系心仪之选。"
子溢一再表示从来无避孕，不过"追多个"则要睇天安排："真系要请多个姐姐帮手，即使唔系再有咗，都唔想太太同外母咁辛苦，话晒外母年纪开始大，不过依家请工人好难，我每个星期一朝早起身揿电脑，订姐姐隔离酒店，但冇次成功，我冇超级电脑，唔够人快！"谈到明年他会到内地全力发展，记者打趣催促他"把握时间"造人，子溢笑言："最紧要成功揿到电脑先，或者两样同步做都得。"
Tuesday 16 November 2021
星空下的仁医 #香港 #娱乐
