10月10日是熊黛林（Lynn）41歲生日，她公司老闆及同事，就為她提早慶祝，送上Lynn小時候愛吃的菠蘿油造型蛋糕！
熊黛林Lynn：生日就要這樣開開心心！祝我生日快樂（這其實是個菠蘿油蛋糕[哈哈]） — 熊黛林Lynn
—
熊黛林見到後大感驚喜：「我唔係感動落淚，係笑到標眼水！菠蘿油係我最鍾意食嘅港式麵包，但係因為牛油係我嘅死穴，一食就肥，所以戒咗好耐，今次大家知道我鍾意菠蘿油，就訂呢個蛋糕畀我，真係好有心、好感動。」
Lynn透露每逢節日必與家人慶祝：「放低兩個女唔得㗎，我會唔捨得，一定要一齊，但係二人世界都一定有。」問到家人如何為她慶生，她表示本身打算外出，可惜受颱風影響，令家庭聚會延至星期日才舉行：「不過八號風球不減弱，不能出外，再加上冇準備，只能喺屋企食公仔麵，飯局改到今日。」
她又說，本身老公打算，生日當日食自己最鍾意的大閘蟹：「我係一個大閘蟹控，老公諗住正日食我最鍾意嘅大閘蟹，因為今年未食過，食乜嘢都冇所謂，只要一家人齊齊整整，開心就足夠。」
—
