陈卓贤前后脚同女友卢慧敏现身 讲心唔讲金
混血索模Amy Lo（卢慧敏）昨日（7日）与男友、男团MIRROR成员陈卓贤（Ian）前后脚出席珠宝活动，同场还有"最美星二代"沈月及摄影师LaizaS。其中Amy是继大前日（4日）生日后首次出席活动，讲到同男友为品牌工作，即使不能同时段现身亦感到开心︰"低调系件开心事，喺现场见到佢哋有人着住Fans club嘅衫喺我个Session度出现，知道佢哋好锡我，又好锡佢，系开心嘅！"现场亦有她的"小树苗粉丝"到场支持，令Amy十分感动："冇谂过出席活动都有Fans撑场，好开心！佢哋都制作咗啲心意卡畀我，仲有埋灯牌。"
提到Ian在活动中透露有跟Amy庆祝生日，还指二人讲心唔讲金，Amy直认拍拖讲求心灵多于一切："今年生日喺屋企，拣咗自己一套好锺意嘅电影，呢部电影我谂我睇咗差不多有100次，就系《机场客运站》，生日嘅时候再睇，默默为自己庆祝，我锺意简简单单，同屋企人食咗餐饭、切蛋糕吹蜡烛，一齐睇戏，都收到啲手作嘅礼物。"
她续说："其实所有关系，无论朋友、情侣或屋企人，都唔会讲金，用心去对待大家咁先可以维持，我好注重沟通，心灵上系好重要嘅，每段关系都建基于大家嘅呵护同了解，每一段关系都讲心唔讲金嘅。"
