吴若希结婚4周年纪念 老公片场陪开工！
歌手吴若希（Jinny）跟老公Alex经常耍花枪，今日（10日）系两人结婚4周年纪念，Jinny喺社交网高调晒爱，化作小鸟依人嘅佢依偎喺Alax心口，好鬼烟韧！佢留言："有咩驱使你结婚周年都要开工啊？系#青春本我呀！我咁青春！一定要开住工证明自己结完婚都系好青春。"
原来Alex专程到片场陪老婆开工，认真抵锡，圈中好友王敏奕、丁子朗、甄泽权都送上祝福，仲赞两人好sweet。Jinny演出嘅新剧《青春本我》即系《声梦》学员炎明熹、姚焯菲、锺柔美等人主演嗰套青春剧，虽然Jinny已经有一对仔女，但早婚嘅佢今年都系得29岁，都算系青春嘅靓妈！
